• Shqip
• English

Newsletter

Login

Username

Password

Historik i shkurtër dhe pyetjet më të shpeshta

Projekti i Seminareve të Sazburgut në Kosovë i inicuar nga Dr Bujar Gjikolli ka filluar të zbatohet në vitin 2005 nga ana e Kosova Academic Services KAS nën udhëheqjen e zotit Ibrahim Gashi. Në pranverën e vitit 2007 KAS u tërhoq nga implementimi i këtij projekti dhe propozoi që KOMC të vazhdojë me implementin e saj pas nënshkrimit të kontratës për bashkëpunim me Fondacionin Amerikano Austriak - AAF. Nga fillimi i realizimit të projektit në Kosovë, deri më tani kanë marrur pjesë mjek Kosovarë në 135 seminare dhe tetë kosovarë kanë qëndruar nga një muaj në internship në spitalet e Austrisë.

Regjistrimi për seminar të Salzburgut

Regjistrimi për internship - qëndrim një mujor në spitalet e Salzburgut 

për internship mund të konkurrojnë vetëm ata që kanë marrur pjesë në seminaret e Salzburgut. 

 

Ku mbahen Seminaret e Salzburgut?
Seminaret e Salzburgut janë pjesë e projektit nga i cili në tre vitet e fundit po përfitojnë mjekët (specializant dhe specialist) kosovarë. Seminaret e Salzburgut mbahen në kështjellën Arenberg në Salzburg organizuar nga Fondacioni Amerikano Austriak (American Austrian Foundation- AAF) në 17 vitet e fundit. 29 seminare nga lëmi të ndryshme të mjekësisë organizohen gjatë vitit 2010.

Kush ligjeron në Seminaret e Salzburgut?
Ligjerues nga univerzitete në SHBA që janë në listën e njëzet univerziteteve më të mira në SHBA dhe ligjerues nga univerzitetet austriake mbajnë ligjerata pesë ditë rresht nga ora 8 deri në orën 17. Natyrisht mes ligjeratave ka pushime për kafe dhe drekë poashtu.

Prej cilave shtete vijnë pjesëmarrësit në seminare, mes të cilëve janë edhe mjekët kosovarë?
AAF ka rrjetë të zhvilluar me 40 shtete të Evropës juglindore dhe të Azisë por nëse numërohen të gjitha shtetet prej nga ka pasur pjesëmarrës në këto seminare gjatë 15 viteve totali është prej 90 shtete nga të gjitha anët e botës.

Cilat janë kushtet që specialistët dhe specializantët kosovar duhen plotësuar për të pasur mundësi të jenë të përzgjedhur në këtë program?
Njohja shumë e mirë e gjuhës angleze është kusht i domosdoshëm. Mjekët që kanë testin e TOEFL-it të kaluar kanë përparësi dhe duhet të jenë specializant ose specialista të lëmive përkatëse për seminarin në të cilin aplikojnë. Për këto seminare nuk mund të konkurrojnë mjekët që nuk janë specialist ose specializant.

Si bëhet aplikimi për pjesëmarrje në këto seminare?
Aplikimi bëhet në formë elektronike përmes internetit -  webfaqes së KOMC-it në www.komc.org. Përmes saj lidheni për aplikim për Seminare të Salzburgut dhe shënoni emrin e përdoruesit dhe fjalëkërkimin që ju dëshironi të keni. Automatikisht në adresën tuaj elektronike të cilën ju e keni postuar ju vie konfirmimi me fjalëkërkim për të vazhduar procedurën e aplikimit. Aplikimi kryehet në disa faza pas përzgjedhjes së seminarit dhe për ta kompletuar aplikimin duhet të postoni dokumentet e kërkuara në formë elektronike (foto, diploma, licenca, CV, letra rekokmanduese, bibliografia). Me të përfunduar aplikimi automatikisht ju vie konfirmimi se keni përfunduar me suksese aplikimin pas së cilës koordinatori ju fton në kohën e caktuar për intervistim. Derisa nuk keni pranuar këtë konfirmim nuk keni përfunduar aplikimin që do të thotë se nuk do të jeni në listën e kandiatëve që koordinatori do të ftojë për intervistim.

Si bëhet përzgjedhja e kandidatëve që do të marrin pjesë në seminare?
Kandidatët me ftesë nga kooridnatori intervistohen personalisht për njohjen e gjuhës angleze. Poashtu vlerësohet dokumentacioni i prezantuar. Përzgjedhjen e kandidatit e bën personalisht drejtori i programit në Vjenë. Përparësi mes kandidatëve që janë të barabartë kanë ata që kanë konkuruar disa herë.

A duhet kandidatët të paguajnë për seminarin?
Kandidatët që aplikojnë dhe ata që përzgjidhen nuk duhen paguar asgjë.

Sa kandidatë deri më tani kanë marrur pjesë në këto seminare?
Që nga fillimi i implentimit të këtij programi në Kosovë me 2005 janë dorëzuar rreth 400 aplikacione nga mjekët kosovarë deri në gusht 2010. 135 kanë marrur pjesë në këto seminare.

Çfarë janë përfitimet tjera nga ky program?
Me pjesëmarrjen në Seminaret e Salzburgut pjesëmarrësi fiton të drejtën e qasjes në librat- ligjeratat e seminareve të mëparshme, vendos lidhje me ligjeruesit dhe pjesëmarrësit tjerë për shkëmbim të përvojave. Poashtu fiton të drejtën për aplikim për qëndrim një mujor në spitalet e Austrisë për aftësim profesional (internship). Përfitimi tjetër është mundësia që në bashkëpunim me KOMC dhe AAF të organizohen të ashtuquajturat simpoziume satelitore me çka mundësohet organizimi i simpoziumit dyditor nëpër vendet prej nga janë pjesëmarrësit nga lëmia e interesit. Mundësohet sjellja e dy ligjeruesve të Seminareve të Salzburgut (nga Austria dhe nga SHBA)  për të ligjeruar temat nga fusha e propozuar nga ana e iniciatorit që është ish pjesëmarrësi në Seminaret e Salzburgut.

A është organizuar deri më tani ndonjë simpozium i tillë në Kosovë?
Me temë nga neuroradiologjia diagnostike dhe ajo terapeutike minimale invazive  me 3-5 prill 2008 u mbajt simpoziumi i parë satelitor i seminareve të Salzburgut. Seminari ju dedikua radiologëve, neurologëve, neurokirugëve e specialistëve të mjekësisë emergjente. Ligjerues ishin ekspertët nga Christian Doppler Clinic në Salzburg, nga Tirana në Shqipëri dhe ekspertët vendor.
Organizimi i simpoziumit u bë përkrahjen e Ministrisë së Shëndetësisë së Kosovës, QKUK dhe të vet Presidentit të Kosovës zotit Fatmir Sejdiu.

© Copyright - KOMC 2008